Shije Shtëpie – Emisioni 27 Tetor 2026

Të ftuar

Entela Isufi: Psikologe klinike

Dhurata Myrtollari: Mësuese

Çenkuela Hasa: Gazetare

Arla Lepuri: Psikologe

Receta e spinaqit e pëlqyer nga të gjithë në familje

500 gr spinaq
4-5 qepë të njoma ose 1 qepë të kuqe
2 thelpinj hudhra
Vaj ulliri
3 vezë
1/2 gotë qumësht rreth ( 120 ml )
150 gr miell
Kripë + piper të zi + arrë moskat
200 gr djathë të bardhë
Majdanoz + kopër
100 gr djathë mozzarela ( në rende )

Pastrojmë dhe presim spinaqin trashë. Në një të thellë me vaj ulliri kaurdisim qepët e grira për 3 min. Shtojmë hudhrat e grira, e më pas spinaqin e përziejmë mirë sa spinaqi të ul volumin dhe e largojmë nga zjarri, derisa spinaqi të ftohet pak në një tas. Shtojmë 3 vezë + pak kripë + qumështin dhe i përziejmë derisa të na formohet një brum i hollë si i krepave. Në tiganin me spinaq shtojmë pak kripë + piper të zi + arrë moskat, shtojmë dhe majdanozin dhe kopër i përziejmë dhe më pas i bashkojmë përbërësit në tas, mbulojmë sipërfaqen me djathë të grirë mozzarela. E pjekim në furrën e parangohur në temperaturën 180 gradë për 25 min.

Supë me brokoli dhe karrota

350 gr brokoli ( në lule të vogla )
1 qepë
1 karrotë e madhe ( në rende )
1.5 lugë gjelle miell
200 ml qumësht ( 1 gotë )
1/2 gotë makarona të vogla supe
1 litër ujë + 1 gotë lëng mishi ose Magi
Kripë + piper të zi
1 lugë gjelle gjalp
4 lugë gjelle vaj ulliri

Në një tigan të thellë shkrijmë gjalpin + vajin e ullirit dhe kaurdisim qepën e grirë hollë për 3 min. Shtojmë karrotën të grirë në rende, shtojmë 1.5 lugë gjelle miell, e përziejmë për 2 minuta dhe e shuajmë me 1 gotë qumësht. Shtojmë brokolin të prerë në lule të vogla, shtojmë ujin 1 litër dhe 1 gotë lëng mishi po patët, nëse jo shtojmë 1 kub Magi, mish viçi dhe 1/2 makarona të vogla për supë. Vendosim kapakun dhe lëmë supën të ziej për 15-20 minuta dhe gjithçka gati, rregullojmë shijen me piper të zi dhe e shërbejmë të ngrohtë.

“Mami, pse digjet qyteti?” Si t’ua shpjegojmë fëmijëve protestat në vend?