Seriale

Sprova e familjes

Doan, një kirurg i suksesshëm që ka shpëtuar shumë jetë, por nuk ka mundur të shpëtojë të tijën. Ai u largua nga familja, nga dhimbja, nga kujtimet. Por disa plagë nuk shërohen kurrë. Çalla, një avokate e fortë, e vendosur dhe një grua që nuk i frikësohet së vërtetës. Kur familja bëhet sprova më e madhe, Doan duhet të zgjedhë: Të largohet apo të përballet me të vërtetën. Dhe në hije një armik që pret momentin e tij, Behram, një emër që sjell frikë dhe hakmarrje.

E shtunë – e diel 20:05

Gjeniu

Një gjeni i tradhëtuar nga njeriu që duhej ta mbronte. Mes sekreteve, pushtetit dhe lojërave të mendjes, fillon një betejë ku fiton vetëm më i zgjuari. Devran është një djalë me inteligjencë të jashtëzakonshme, jeta e të cilit ndryshon për shkak të tradhtisë së babait të tij. Një lojë të rrezikshme mendjesh, ku çdo lëvizje është e llogaritur dhe çdo aleancë mund të fshehë një tradhti. Ndërsa sekretet e së kaluarës dalin në dritë, Devrani duhet të zgjedhë mes hakmarrjes dhe njerëzve që do. Fitues i cmimit Emmy si seriali më i mirë ndërkombëtar per vitin 2025. Me aktorët: Aras Bulut İynemli, Ugur Polat, Taner Olmez, Onur Saylak, Melis Sezen.

E hënë – e mërkurë 21:00

Mashtruesit

Një dramë e mbushur me intriga, sekrete, ambicie dhe lojëra të rrezikshme, ku e vërteta dhe gënjeshtra ndërthuren në çdo hap. Ertan, një avokat i talentuar i cili së bashku me të atin, Kadirin, nuk heziton të përdorë metoda të pazakonta për të fituar çështjet e tyre dhe Asja, një grua që përballet me vështirësi të mëdha dhe detyrohet të përdorë zgjuarsinë dhe mashtrimin për të mbajtur familjen e saj. Sa më shumë zbulohen sekretet, aq më shumë bëhet e vështirë të dallosh se kush është viktimë, kush është mashtrues dhe kush po kontrollon lojën.

E hënë – e shtunë 18:20

Mëkate dhe Trëndafila

Një sekret i fshehur për vite me radhë. Një familje në prag të shkatërrimit. Dhe një dashuri që lind mes dhimbjes dhe së vërtetës. Çdo trëndafil fsheh një sekret dhe çdo mëkat ka një çmim. Ai besonte te familja. Ajo besonte te e vërteta. Por kur sekretet dalin në dritë, asgjë nuk mbetet si më parë. Dashuri, tradhti dhe emocione që sfidojnë fatin. Me aktoret e famshem: Cemre Baysel dhe Murat Yildirim.

E hënë – e premte 16:05

Tradhtia

Ajo besoi tek dashuria dhe tek familja. Besoi se pas 30 vitesh martesë, e njihte njeriun që kishte në krah. Gyzide ka ndërtuar jetën e saj mbi drejtësinë. Por tani, drejtësinë do ta kërkojë brenda familjes së saj. Kur e vërteta del në dritë, asgjë nuk do të jetë më si më parë. A mund ta rindërtosh jetën pasi zbulon se gjithçka që besoje ishte një gënjeshtër? Vahide Perçin në një nga rolet më të fuqishme të karrierës së saj.

E hënë – e shtunë 14:30

Të braktisurit

Kur jeta të merr gjithçka, mbetet vetëm forca për të luftuar. Një histori e jashtezakonshme për familjen, sakrificën dhe shpresën. Mes vështirësive dhe padrejtësive, ata kanë vetëm njëri-tjetrin. Një serial i mbushur me emocione të forta dhe momente të paharrueshme. Rrugëtimi emocionues i gjashtë fëmijëve jetimë që luftojnë për të mbetur bashkë në një botë që përpiqet t’i ndajë. Seriali qe ka prekur zemrat e miliona shikuesve dhe me i klikuari ne mediat sociale me disa aktore yje.

E hënë – e shtunë 13:20

Qyteti i largët

Në një qytet të largët… çdo zgjedhje ka pasojë. Kur një grua humb gjithçka, një udhëtim i vetëm mund të të ndryshojë jetën! Alja, një grua e ve vjen në Mardin për të plotësuar dëshirën e fundit të bashkëshortit të saj të ndjerë. Por udhëtimi shndërrohet në një betejë: familja e fuqishme Albora nuk e lejon të rikthehet në Kanada me djalin e saj, duke e futur Aljan në një botë të mbushur me rregulla të ashpra, sekrete të së kaluarës dhe ndjenja të papritura. Seriali që mban rekordin si më i ndjekuri në 15 vitet e fundit, me aktoren e preferuar Sinem Unsal.

Rënia e mbretit

Në një botë ku fituesi merr gjithçka, humbja nuk është një opsion. Por çdo mbret ka një dobësi. Kenan Baran është një burrë i pasur, i suksesshëm dhe jashtëzakonisht karizmatik. Ai është mësuar të marrë gjithçka që dëshiron dhe të jetë gjithmonë në qendër të vëmendjes. Për të gjithë, Kenani është një “mbret” që nuk mund të humbasë kurrë. Por pas imazhit të përsosur fshihet një njeri egoist, manipulues dhe i varur nga admirimi i të tjerëve. Bazuar në romanin best-seller të autores Gulseren Budayıcıoglu, me aktorët yje Halit Ergenc, Merve Dizdar dhe Aslihan Gurbuz.

Një dashuri

Historia magjepsëse e Doas, e cila bie në dashuri me Fatih, familja e të cilit është krejt ndryshe nga ajo e saj... Një histori komplekse dashurie, e cila bashkon dy familje që janë pole të ndryshme, por ndajnë të njëjtat të vërteta të thella. Me një kast aktorësh të shkëlqyer, prodhim i vitit 2024 dhe seriali nr.1 me rekorde shikueshmërie në çdo episod të tij.

Bahar

Kur jeta ndalet… fillon Bahar. Historia e një rikthimi të jashtëzakonshëm. Drama e një gruaje që pasi përballet me rrezikun e humbjes së jetës, vendos të rikthehet te ëndrrat e saj të harruara. Dikur një mjeke e talentuar, Bahar ka hequr dorë nga karriera për familjen dhe bashkëshortin. Pas një sëmundjeje të rëndë që i rrezikon jetën, ajo kupton se ka sakrifikuar veten për familjen dhe ka harruar veten e saj. Me aktoren Demet Evgar, dy herë fituese e cmimit aktorja më e mirë e vitit.