A është Trump “i çmendur” apo “dinak si dhelpra”? Debati mbi shëndetin mendor të presidentit amerikan është rikthyer

“I zgjuar si dhelpër” apo “thjesht i çmendur”? Pas shpërthimeve të fundit të Presidentit Trump – një postim në Truth ku e krahasonte veten me Jezusin shërues, i cili u fshi më vonë, shkaktoi zemërim midis bazës së tij thellësisht fetare – debati mbi shëndetin mendor të Presidentit, tani një klasik në historinë presidenciale (Biden sulmohej çdo ditë) është rikthyer.
Sjellja jo koerente dhe komentet ekstreme të Trump kanë qenë një prani e vazhdueshme në skenën politike për të paktën një dekadë.
Nga kërcënimi për të fshirë Iranin nga harta e Lindjes së Mesme , “një qytetërim i tërë do të vdesë sonte”, deri te fyerja e Papës, i cili është “i dobët në lidhje me krimin dhe i kotë në politikën e jashtme”, përshtypja është, siç shkruan New York Times, se ai tani është një “autokrat i çmendur, i verbuar nga pushteti”.
Shtëpia e Bardhë, sigurisht, ka qëndruar e vendosur dhe i ka mohuar akuzat. Ai e quan veten “gjeni”, duke shpjeguar se ka kaluar çdo test mjeksor.
Demokratët, të cilët prej kohësh e kanë vënë në pikëpyetje shëndetin psikologjik të Trump, kanë nisur një kor të ri thirrjesh për të thirrur Amendamentin e 25-të dhe për ta larguar Presidentin nga Shtëpia e Bardhë “për paaftësi”.
Ky shqetësim nuk shprehet vetëm nga figura të krahut të majtë, komedianë të talk show-ve ose profesionistë të shëndetit mendor, të cilët merren me diagnoza në distancë. Tani është një mendim i përhapur edhe midis gjeneralëve në pension, diplomatëve dhe zyrtarëve të huaj. Dhe midis ish-aleatëve të Presidentit.