Trump përshpejton shpërbërjen e NATO-s

Donald Trump po i ofron Vladimir Putinit një dhuratë të madhe strategjike, duke e dobësuar NATO-n në kulmin e konfliktit në Ukrainë.

I zemëruar nga refuzimi i aleatëve të tij për t’u angazhuar ushtarakisht përkrah tij në ndërhyrjen kundër Iranit, presidenti amerikan ka vendosur ta shndërrojë Aleancën në një lloj “tigri letre”.

Tërheqja e trupave dhe armëve, zvogëlimi i forcave amerikane në dispozicion në rast të një krize ose sulmi serioz, lënia në mëdyshje mbrojtja bërthamore: të gjitha këto vendime paraqiten si ndëshkim dhe u njoftuan pak para takimit të ministrave të jashtëm të Aleancës, të planifikuar për sot dhe nesër në Helsingborg, Suedi, përpara samitit të krerëve të shteteve dhe qeverive në Ankara në fillim të korrikut.
Shpërbërja e NATO-s është në proces dhe evropianët janë aspak të qetë. A do të jenë në gjendje të paraqesin një front të bashkuar dhe t’u demonstrojnë amerikanëve se mund të mbijetojnë pa to dhe ta integrojnë Ukrainën në mbrojtjen e kontinentit të vjetër?

Në ditët në vijim, administrata amerikane do t’i informojë aleatët mbi vendimin e saj për të zvogëluar kapacitetet ushtarake të vëna në dispozicion nga Shtetet e Bashkuara për të ndihmuar anëtarët evropianë të NATO-s në rast të një krize serioze.
Lajmi u publikua dje, pak para se Sekretari i Përgjithshëm i NATO-s, Mark Rutte, të prezantonte takimin e Helsingborgut. Ky informacion u mor në Uashington nga Reuters.
Vendimi ishte i pritshëm. Shtetet e Bashkuara duhet të japin një pamje të saktë të forcave që synojnë t’i vënë në dispozicion NATO-s dhe rezervave që mund të mobilizojnë.
Pyetja është se sa e madhe mund të jetë “kalorësia” amerikane që mund t’u vijë në ndihmë evropianëve në rast të një sulmi.