Aktualitet nga Bota- Vala anti-establishment në Partinë Demokratike

Ai mban emrin Kennedy, megjithatë nuk arriti të kalonte as zgjedhjet paraprake të Partisë Demokratike për të kandiduar për një vend në kongres në një nga distriktet më liberale të Manhattanit.

A ka ndoshta një mesazh të thellë politik te ky rezultat, në humbjen e fundit të John “Jack” Bouvier Kennedy Schlossberg në garën për të zëvendësuar Përfaqësuesin Jerrold Nadler për të përfaqësuar Distriktin e 12-të Kongresor të Nju Jorkut?

A ka më shumë për të kuptuar te kjo humbje, përtej aftësive të tij politike dhe njerëzore, pavarësisht nëse ato ekzistojnë apo jo; mungesës së përvojës së tij zgjedhore pasi është vetëm 33 vjeç; antipatisë përkundrejt tij për shkak të nepotizmit të atyre që ndoshta ndihen se mund të trashëgojnë pozicione të caktuara në demokracinë më të vjetër në botën moderne?

A vallë ndodhi pasi ai u mbingarkua edhe nga vala e Trumpizmit të kundërt, lloji që po ushqen një fenomen midis Demokratëve, të ngjashëm me atë në
Partinë Republikane, domethënë, një revoltë të filluar në emër të populizmit të krahut të majtë për t’iu kundërvënë populizmit të krahut të djathtë?